Submit to FacebookSubmit to Google PlusSubmit to TwitterSubmit to LinkedIn

timonie gradskoФранцускиот амбасадор во земјава, Кристијан Тимоние денеска ја имаше првата официјалн а работна посета на општина Градско. Околу еден час разговараа со градоначалникот на општината, Роберт Бешовски за можната соработка во повеќе области,  а воедно амбасадорот денеска ја имаше можноста да се запознае со општествено политичкиот и културниот живот на оваа општина.

„ Очекувам оваа наша средба да отвори можност за подолгорочна соработка,  како на економски така и на културен план и воедно да се отвори простор за реализација на проекти значајни за општина Градско“ изјави Бешовски по средбата со амбасадорот и информира дека Тимоние ќе оствари средба и со првите луѓе на  двете најголеми политички партии во Градско,  ќе ја посети и паралелката која изучува француски јазик во ООУ „Даме Груев“ и манастирот Свети Архангел Михаил.

Амбасадорот искажа задоволство од можноста да се запознае и со оваа македонска општина и најави можност за идна соработка особено во делот на земјоделството.

„ Навистина градоначалникот се обидува да ја подготви општината за европски хоризонт. Односно општината се подготвува  преку инвестиции и преку образованието, а изучувањето на францускиот јазик е подготовка кон таа европска утрешна иднина, а познавањето на францускиот јазик претставува значаен пасош за ЕУ“ рече Тимоние, а се осврна и на идната соработка.

Бидејќи станува збор за земјоделски крај,  а и Франција е земјоделска земја амбасадорот очекува соработка во областа на земјоделството и рамномерен развој.

„Општините и сите градови се соочуваме со истите предизвици, и Европа се соочува со предизвици кои ги носат климатските промени и затоа е многу важно да се разговара со градоначалниците и сите жители бидејќи само така се подготвува утрешнината и иднината и само така ќе се надминат тие предизвици“ нагласи францускиот амбасадор.

A.Д

 

 

SEMM baner MK

Поврзани вести

banerduma

 

 

baner i od veles se moze

E baner

Konsalting Jovevi

О Г Л А С

                        за избор на 20 судии-поротници во Основен суд Велес

  1. Кандидатот за судија - поротник потребно е да ги исполнува следните услови:
  1. да е полнолетен државјанин на Република Северна Македонија
  2. да има завршено најмалку средно образование
  3. активно да го владее македонскиот јазик
  4. да ужива углед за вршење на функцијата судија-поротник
  5. да не е постар од 60 години.

            II.За судија-поротник не може да биде избрано лице кое со судијата или судијата-поротник во истиот суд е во сродство во права линија или во странична линија до трет степен или е негов брачен другар, ниту лице кое со член на Судски совет на РСМ е во сродство во права линија или во странична линија до трет степен или е негов брачен другар.

            III.Заинтересираните кандидати потребно е да поднесат пријави и документи и тоа:

            -Диплома за завршено образование (оригинал или заверена на нотар),

            -Уверение за државјанство,

      -Потврда од казнена евиденција (издадена од суд според местото на раѓање).

            IV.Пријавата со потребните документи да се достават до Основен суд Велес (на приемна писарница или преку пошта со препорачана пратка) на адреса ул.„8-ми Септември“ бр.53, во рок од 15 дена од објавувањето на огласот.

                                                                                                   ОСНОВЕН СУД ВЕЛЕС

 
   
   
   
   

Најново