Обвинителството изврши увид во Кавадарци откако беше пронајден починат маж, постојат сомненија за убиство
Објавено: 5 август, 2025, во 17:57 часот
Дежурен јавен обвинител од Основното јавно обвинителство Кавадарци изврши увид на лице место во куќа во која беше пронајдено безживотно тело на 42-годишен маж.
„Телото било пронајдено покриено со земја и предмети во помошни простории, што првично упатува дека смртта е резултат на кривично дело. Семејството се обидувало неколку дена да го лоцира сега починатиот, кој живеел сам,“ соопшти обвинителството.
Со цел расчистување на настанот, јавниот обвинител на Кавадарци издаде наредба за обдукција на починатиот. Од лице место подигнати се траги и материјални докази кои ќе бидат предмет на вештачење. Се издаваат наредби и насоки за откривање на сторител.
Убавка Јаневска
