Пролетно чистење на Велес и на езеро Младост
Се собра комуналниот отпад и се исчисти дивата депонија, се исекоа ветвите и неконтролирано пораснати гранки на бреговите над железничка пруга Велес-Битола, од надвозникот кај “Жито Вардар” до Kомплекс УЗУС. Градските комуналци, според општинската програма за управување со отпад за 2014 година го исчистија сметот и од запуштеното зеленило.
Работата ја изведоа во отежнати услови поради високата косина на земјата и близината на железничката пруга. Се што сега треба да сторат велешани е да престанат да фрлаат смет и да уживаат во благодетот на зеленилото и уредениот простор.
Комуналците го уредија и брегот на езерото Младост. Го собраа целиот смет и градежен шут што зад себе го оставија камперистите. Таму повеќе ја нема создадената дива депонија. Сега велешани можат да уживаат во прошетките на сонце во природа. Од општината и од јавното комунално претпријатие апелираат за поголема грижа кон природниот бисер./Д.С