(Видео и фото) Од идеа до семеен бизнис: Младата велешанка Викторија Тосевска со родителите рачно изработуваат украсни миризливи свеќи
![](https://duma.mk/wp-content/uploads/2024/05/Викторија-Тосевска-8-1024x576.jpg)
Дваесет и три годишната велешанка Викторија Тосевска минатата година, во месец декември, дошла до идеа да изработува различни, шарени и миризливи свеќи. Тосевска прво ја добила поддршката од својот татко, со кого започнале тимска работа. По првите количини на убавите и практични украси, наменети како за домовите на сограѓаните така и за просториите на компаниите тимот се зголемил за уште две раце. Тоа биле рацете и на нејзината мајка која претходно давала само сугестии.
![](https://duma.mk/wp-content/uploads/2024/05/Викторија-Тосевска-1-1024x576.jpg)
Велешани можеа миризливите свеќи на Тосевска да ги купат на велигденскиот базар. Во Младински парк разговаравме со младата девојка за нејзината бизнис идеа.
![](https://duma.mk/wp-content/uploads/2024/05/Викторија-Тосевска-12-1024x576.jpg)
Младата ракотворка ни откри дека ова е учество на трет базар во Велес. Претходно учествувала на новогодишниот и на 8-мо мартовскиот базар. Исто така Тосевска порача базари треба да се организираат почесто бидејќи се посетени од голем број на велешани. Тие за роднокрајните ракотворци претставуваат голема мотивација и задоволство да продолжат со производство.
Инаку, миризливите свеќи на оваа млада велешанка може да бидат изработени во најразлични форми и облици. Доволно е велешани на Викторија Тосевска да и објаснат за каква намена сакаат да ги порачаат миризливите свеќи коишто веднаш ќе бидат изработени.
Се што досега велешкото семејство Тосевски има изработено е видливо на фејсбук страницата Scented Studio (Scented Stidio mk). Погледнете и одлучете се.
Стефани Манева
![](https://duma.mk/wp-content/uploads/2021/05/SEMM.jpg)