Афористичкиот поглед на Коки и неделава вперен кон жените
![](https://duma.mk/wp-content/uploads/2023/02/269365328_383175116940718_3714298579508423402_n.jpg)
Во новите шест афоризми што неделава имате можност да ги прочитате на прво место е афористичкиот мониторинт над жените на Коки кој не ги заборавил ниту политичарите.
Читајте и насмевнете се:
-Постојат жени кои можат недвосмислено да се поистоветат со мачките: не гледаат во кој скут предат.
-Ги влечете жените за јазикот, па потем се прашувате зошто тој им е толку долг.
-Чувствувам длабока почит и неизмерна љубов кон својата сопруга и никогаш не би ја заменил…за полоша.
-Штом некој политичар во својот мандат не успеал да стекне неколку стана, викендичка со базен, луксузен автомобил и дебело девизно конто во некоја странска банка, значи дека тој воопшто не бил добар политичар.
-Сметајќи на своите сопруги, многумина луѓе се покажале како лоши математичари.
-За разлика од некои спортови, во љубовта е мошне тешко да се сочува центарот.
Афористичар
Никола Бошков – Коки
![](https://duma.mk/wp-content/uploads/2021/05/SEMM.jpg)