Издумани Крлевизми за љубовта: „Љубам – значи постојам! Познавам многу луѓе кои не постојат.“
![](https://duma.mk/wp-content/uploads/2024/02/Untitled-design-2024-02-23T115610.646.png)
Велешкиот афористичар Атанас Крлевски по повод месец февруари или месецот на љубота, овој петок исправи десет Издумани Крлевизми за читателите на Дума.мк. Секој Крлевизам е на тема љубов, ваше е да ги прочитате, да се насмевнете и најбитно да ширите љубов секаде околу Вас. Уживајте:
-Никогаш сум немал резервна љубов. Секоја моја љубов е безрезервна.
-Љубовта со пари не се купува, но ова е време на безготовинско плаќање.
-Денес љубовта е чудо. Цело чудо за три дена.
-Љубам – значи постојам! Познавам многу луѓе кои не постојат.
-Како да се заљубам во умна жена, кога љубовта и умот не одат заедно.
-Ако во љубовта ви постават граници, воведете си безвизен режим!
-Со баба Мара имаме разбирачка и за мувањето, само што таа го нарекува: сурогат љубов.
-Љубовта е слепа: единствена причина зошто ме сака жена ми.
-Љубовта ни започна со полетување кон седмото небо, а ни заврши со принудно заземјување.
-Од невозвратената љубов, жената се разделува со солзи, а мажот со тахикардија.
Афористичар
Атанас Крлевски
Дума.мк
![](https://duma.mk/wp-content/uploads/2021/05/SEMM.jpg)