Коки: „Женаму носи лисица околу вратот, а тој две…на рацете“
Објавено на 18 декември, 2023 во 09:49
Афористичкото перо на велешанецот Никола Бошковски Коки ги напиша новите шест афоризми за оваа работна недела. Дума.мк ви ги пренесува:
-Женаму носи лисица околу вратот, а тој две…на рацете.
-Не им вреди многу на луѓето да бидат полнолетни за в брак, кога во бракот го губат правото на глас.
-Како и за секое оружје, така и некои партиски портпаролки, треба да поседуваат дозвола за носење…јазик.
-Сите мажи се исти, рекоа жените, и продолжија да ги одбираат.
-Постојат луѓе кои можат недвосмислено да се поистоветат со кукавиците: ставаат јајца во туѓи гнезда.
-Првата љубов најдолго се памети, можеби затоа што многуте луѓе успеале да извлечат поука од сопствената грешка.
Афористичар
Никола Бошков – Коки
Дума.мк