Понеделнички шест нови афоризми од велешкиот афористичар „Коки“

Новата седмица, понеделнички, започнете ја со насмевка предизвикана од новите шест афоризми напишани од перото на велешкиот афористичар Никола Бошков – Коки. Уживајте!

-Многу жени чувствуваат потреба нивните мажи да им скокаат онолку, колку што секојдневно скокаат цените.

-Директорот и секретарката долго време ја подготвуваа завршната сметка: сега го очекуваат деветмесечниот биланс.

-Полн сум со немир кога ќе помислам дека групниот секс би можел да прерасне во колективен.

-Креветот во кабинетот на професорот, прославува скромен јубилеј: десеттата студентка се здоби со диплома.

-Така е тоа денес таткото ја фали ќерката, свекрвата синот а жената …комшијата.

-Понекогаш на теренот фудбалерите се соочени со амнезија но тука се гледачите да ги потсетат дека имаат мајки, жени, сестри…

Афористичар

Никола Бошков – Коки