Седум настани, месецов, во Дом на култура во Кавадарци

Денеска напладне во Дом на култура “Иван Мазов – Климе“ во Кавадарци ќе биде промовирана книгата “Ако се родат некакви чувства“ на македонскиот писател Блаже Миневски.

Во петок,на 9 јуни, со почеток во 20:30 часот е закажано отворање на изложба на ликовниот уметник Ангел Димовски Чауш.

На 13 јуни, вторник, во 20:00 часот концерт ќе одржи Фолклорниот ансамбл “Тиквеш“. Концертот се одржува по повод 70 години фолклорна дејност во Домот на културата во Кавадарци. Одбележувањето на јубилејот ќе биде збогатен и со изложба на фотографии како и со проекција на документарен филм за фолклорната дејност во Домот на културата

Во среда, на 14 јуни, годишен концерт ќе одржи Балетското студио „Старс“ од Кавадарци.

Ден подоцна,четврток, на 15 јуни,  ќе се одржи Свечена академија по повод 80 години од стрелањето на 12 Ваташки младинци. Академијата ја организира општина Кавадарци со која го одбележува историскиот настан.

Во понеделник, на 19 јуни, со почеток во 20:00 часот ќе биде отворена изложбата на ликовниот уметник, А. Сотирова додека на 26 јуни, нареден понеделник, во 20:00 часот и изложбата на ликовниот уметник Стефан Малбашиќ.

Убавка Јаневска