Велешанецот Благој Ламњов го сними својот втор албум „Носталгична љубов 2“

За два и пол дена, велешанецот Благој Љамњов го снимил својот втор албум насловен „Носталгична љубов 2“ во студиото „Гула“ во Малме, Шведска. Зад секоја песна во новиот албум стои вистинска приказна и секоја од нив има име што посебно му значи и емотнивно е поврзано со Љамњов. Повеќето од песните ги има напишано тој лично, инспириран од прекрасната музика што веќе ја имаме во нашиот свет, но на албумот ќе се појават и неколку традиционални мелодии.

-Два и пол исцрпувачки, но неверојатни и среќни денови. Јас, шест вистински инструменти и одличниот инженер на звук Дејвид Карлсон. Кларинет, пијано, акустична гитара, акустичен бас, удиралки, малку глас и вистински морски бранови покрај Јадранското море на моето омилено место во Хрватска. И сам ги снимив сите инструменти. Научив многу, горд сум, среќен сум, плачам кога го слушам албумот!, вели Љамњов.

Тој додава дека албумот се состои од прекрасни мелодии кои ги одржува во живот со неговиот начин на интерпретација.

-Фокусот е ставен на интерпретацијата на кларинет, користејќи ја убавата западна класична традиција и фразирање, притоа задржувајќи ги македонските народни орнаменти реални и жлебови. Можам да зборувам со часови со сета моја возбуда! За неколку дена ќе објавам краток трејлер од сесијата за снимање!, додава Ламњов.

Наскоро ќе бидат објавени и сите имиња на песните.

Стефани Манева