Излезност во 13:00 часот на Локални избори во Велес, Чашка, Градско и Лозово
Објавено на 17 октомври, 2021 во 14:10
Одѕивот на гласачите до 13:00 часот на 82 избирачки места во Општина Велес на кои гласаат 45.852 изнесува 24,52 отсто. Овој податок го објави Државната изборна комисија и се наоѓа на нејзината веб страница.
Во Општина Градско во истиот временски период на 11 избирачки места гласале 32,99 отсто, од вкупно 3.113 граѓани со право на глас.
На деветте избирачки места во Општина Лозово каде денеска гласаат 1.984 граѓани, до 13:00 часот одѕивот изнесува 32,90 отсто.
Во Општина Чашка излезеноста до третиот пресек изнесува 25,34 отсто, каде право на глас имаат 6.174 граѓани.
Стефани Манева
