Активни се два и под контрола е трет пожар на територијата на Општина Чашка
Објавено на 16 август, 2024 во 15:42
![](https://duma.mk/wp-content/uploads/2024/08/пожар-од-воздух-1024x577.jpg)
Центар за управување со кризи денеска информираше за двата активни пожари на територијата на Општина Чашка. Првиот е на планина „Мукос“ на потег кон село Дреновци во Општина Прилеп каде гори мешана шума и вториот, во којшто гори нискостеблеста вегетација и е во околината на село Мокрени. Освен овие на територија на државата има уште 10 или вкупно 12 активни пожари.
Исто така, помеѓу шесте пожари коишто се под контрола е и пожарот помеѓу селата Папрадиште и Ореше, на територија на оваа општина. Во текот на вчерашниот ден изгаснати се 35 пожари во Македонија.
Во текот на вчерашниот ден, четврток, 15.08.2024 година, имаше вкупно 53 пожари, соопшти ЦУК.
Дума.мк
![](https://duma.mk/wp-content/uploads/2021/05/SEMM.jpg)