Невработените велешани може да аплицираат на обуките за развој на дигитални вештини во велешкиот Центар

Три активни повици се објавени за невработени лица коишто се пријавуваат во Центар за вработување Велес и работодавачи кои имаат потреба од работници во градот. Поточно, невработените лица може да аплицираат на обуките за развој на дигитални вештини, додека работодавачите на двете активни обуки за познат работодавач.

Активната мерка за невработените лица, односно обуките за развој на дигитални вештини е активна до 30 ноември, годинава. Истата содржи 13 модуларни програмски пакети и може да аплицираат невработени лица до 40 години кои се заинтересирани за стекнување вештини од областа на информатиката.

Модуларните програмски пакети се:  IT Security Specialist, AWS Cloud Administrator, Microsoft Data Analyst, Unity Game Developer, Unity VR Developer, Oracle Java Developer, ISTQB Software tester and Test Analyst, Python Developer, Motion Graphic Designer, Autodesk 3D Artist, Net&Azure Developer,  Network Specialist, JavaScript Essentials.

Во оваа мерка е предвидено вклучување на 735 невработени лица кои ќе добијат можност за надградување на вештините во областа на информатичките технологии. Сите заинтересирани граѓани може да се пријават во Центар за вработување Велес секој работен ден од  09:00 до 14:00 часот.

Што точно опфаќа секој од модуларните програмки пакети поединечно, кои се условите и обврските на секој учесник, може да прочитате на официјалната страна на Агенција за вработување на РСМ.

Јавниот повик ќе биде отворен се до потполнување на планираниот опфат на лица.

Стефани Манева