Поставени украсни канти за отпадоци на повеќе локации во Велес

Украсни канти за собирање на смет се поставени на повеќе локации во градот Велес, информираат од Јавно комунално претпријатие „Дервен“. Пред влезот на црквата Свети Кирил и Методиј, во Младинскиот парк, на скалите пред велешкиот театар како и на влезот од Офицерски дом и во паркот позади овој објект.

Во текот на претходната недела ЈКП „Дервен“ постави дополнителни четириесет нови пластични канти за отпад на повеќе локации во градот.

Исто така, ги заменија и старите контејнери со нови на коишто се напишани пораки за подигнување на свеста кај граѓаните за почист Велес.

Стефани Манева