Притвор за две лица, учесници во превезувањето на марихуана кај Пашин мост

Основно јавно обвинителство Велес донесе Наредба за спроведување истражна постапка против две лица поради основано сомнение дека сториле кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

-На 26 јули, осомничениот 47-годишен жител на струмичкото село Банско договорил со пријател да го превезе до Кочани. Додека сведокот го чекал на бензинска пумпа, осомничениот отишол на локација каде знаел дека биле оставени 908,8 грама наркотична дрога – марихуана, ги зел и ги предал на осомничената 37-годишна жителка на Кочани. Таа требало со автомобил да ја пренесе дрогата кон селото Ореше, но ја запреле полициски службеници од СВР Велес. При претрес на возилото била пронајдена преземената марихуана, но и уште едно пакување од 1.008,4 грама, скриено во „бункер“ на подот зад возачкото седиште во автомобилот, пишува во соопштението на обвинителството.

Поради околности кои укажуваат на опасност од бегство и можност осомничените да го повторал делото, јавниот обвинител до Основниот суд во Велес достави предлог за определување мерка притвор за двајцата осомничени.

Стефани Манева