Прв шаховски маратон и неверојатно голем одзив на ученици во Велес
![](https://duma.mk/wp-content/uploads/2023/03/Untitled-design-2023-03-03T155300.815.png)
Над 180 ученици од основните и средни училишта во Велес учествуваа на првиот шаховски маратон во ССОУ „Коле Неделковски“. Сите тие се почуствуваа како велемајстори покрај поставените шаховски табли и фигури во најинтелегентната игра на светот. Атмосферата беше неверојатно убава но и предизвикувачка. Победените им подаваа рака на победниците. Во салата очигледно беше дека има многу создадени нови пријателства и веќе закажани наредни игри помеѓу учениците.
![](https://duma.mk/wp-content/uploads/2023/03/Untitled-design-2023-03-03T155250.438.png)
На новинарското прашање зошто играат шах, сите дадоа ист одговор, дека станува збор за интересна игра со која се поттикнува развој на умот.
![](https://duma.mk/wp-content/uploads/2023/03/Untitled-design-2023-03-03T155310.276.png)
Организаторите на првиот шаховски натпревар беа позитивно изненадени од одзивот на ученици.
![](https://duma.mk/wp-content/uploads/2023/03/Untitled-design-2023-03-03T155320.403.png)
-Јас ова го нарекувам шаховски маратон бидејќи многу голем број на ученици се пријавени. Ние ги поделивме во три категории и тоа првата од прво до петто одделение коишто започнаа со игра рано наутро во 07:30 часот. Потоа во 12:30 часоти играа учениците од втора категорија, поточно од шесто до деветто одделение и подоцна, од кај 17:30 часот ќе дојдат учениците од средните училишта. Најпрво учениците играат едно квалификационо коло коешто го нарекуваме полуфинале потоа победниците играат финале во коешто играат повеќе кола. Основците играат 4 до 5 кола додека средношколците ќе играат шест кола на крајот, потоа оној што ќе има најмногу победи го освојува првото место. Ние имаме спонзор којшто ни донираше средства и за првото и второто место имаме обезбедено диплома и награда шаховски комплет, за третото диплома и книга. Секој учесник добива благодарница за учество, рече организаторот проф. Трајче Недев.
![](https://duma.mk/wp-content/uploads/2023/03/Untitled-design-2023-03-03T155211.991.png)
Вака големиот одзив ги поттикна организаторите, професорите Трајче Недев и Стојан Петкашинов, да размислуваат и за други натпревари со цел да се организираат многу почесто.
Стефани Манева
![](https://duma.mk/wp-content/uploads/2021/05/SEMM.jpg)