Тешка сообраќајка на патот Кавадарци – Росоман

Три лица се повредени, од кои едно потешко во сообраќајка којашто утрово се случила на регионалниот пат Кавадарци – Росоман. На лице место веднаш излегле осум пожарникари на ТППЕ Кавадарци со две возила за техничка интервенција и едно амбулантно возило.

-Тешка сообраќајка се случи утрото на патот Кавадарци-Росоман. Три лица се повредени, од кои едно потешко. Двете лица се помлади на околу 23 години, едното повозрасно, пишуваат од ТППЕ Кавадарци.

Авто мото сојуз на Македонија соопшти дека од 07:00 часот регионалниот пат Кавадарци – Росоман, на излез од село Манастирец е во целосен прекин поради сообраќајната незгода.

Стефани Манева