(Фото) Ученици, млади хуманисти, на ООУ„Гоце Делчев“ од Кавадарци обезбедија клима уред за немоќно семејство
![](https://duma.mk/wp-content/uploads/2024/05/436771200_363587046238599_5002019457209651259_n-1024x768.jpg)
Младите хуманитарци од кавадаречкото основно училиште „Гоце Делчев“ изминатиов период напорно работеа за да набават грејно тело за затоплување на домот на социјално загрозено семејство.
![](https://duma.mk/wp-content/uploads/2024/05/438065114_809833740574767_7922066446511692681_n-1024x768.jpg)
![](https://duma.mk/wp-content/uploads/2024/05/436926298_1003076074568954_3881710628246992055_n-577x1024.jpg)
Оваа нивна цел произлезе од истражување и како приоритет да се помогне на некое семејство во рамките на нивната проценка и нивните можности да соберат парични средства. Учениците со помош на директорот на училиштето, педагогот како и останатите вработени организираа повеќе настани на кои собираа парични средства од донации, детски забавни игри , продаваа крофни и зашеќерени јаболка на плоштадот во Кавадарци за први април, организираа Велигденски базар и пешачка тура до месноста Љубаш, испратија писма за донации во неколку маркети во Кавадарци при што добија храна и средства за хигиена кои беа донирани на семејството.
![](https://duma.mk/wp-content/uploads/2024/05/438069674_415528661191859_7427852316443999678_n-1-768x1024.jpg)
![](https://duma.mk/wp-content/uploads/2024/05/436770011_1087792682281370_2075718166486132103_n-1024x768.jpg)
![](https://duma.mk/wp-content/uploads/2024/05/438158288_751142660553075_6818997617899497775_n.jpg)
![](https://duma.mk/wp-content/uploads/2024/05/436826262_966105151578106_8199064261473403950_n-768x1024.jpg)
Од сите активности, овој тим на млади хуманитарци, успеа да обезбеди средства за купување инвертер клима уред кој на семејството ќе му користи и во зима за затоплување на просторијата и во лето за разладување.
![](https://duma.mk/wp-content/uploads/2024/05/438158308_975886024183233_4877003931139937813_n-768x1024.jpg)
Како што информираше волонтерот Димитар Каракулев, клима уредот беше дониран на семејството а за монтажата ќе се погрижат вработените од „КЛИМИ.мк“ кои се приклучија кон помошта на ова семејство. Тимот ,,Подари насмевка” упатува голема благодарност до: „Мин-Екс“ , „Ика спорт“, „Грација пром“, „Кожувчанка Ким“ од Неготино, „Пекара Здравје“, „Тим Компјутери“ и на ЦКА-ПХВ тимот „Шарен свет” на ООУ Димката Ангелов Габерот од Ваташа, за нивната помош без која што немаше да се реализира нивната цел.
![](https://duma.mk/wp-content/uploads/2024/05/438102106_1108474483766900_4710369203971796106_n-1024x768.jpg)
Станува збор за активност како дел од акцијата „Подари насмевка” која е дел од програмата Црвен крст во акција за промовирање на хумани вредности. Дисемиматор на ЦКА-ПХВ програмата за сите училишта е Даниела Лазовска волонтер во ОО Црвен Крст Кавадарци.
Убавка Јаневска
![](https://duma.mk/wp-content/uploads/2021/05/SEMM.jpg)