(Видео и фото) Отворена Соба за сензорна интеграција во ОУРЦ „Маца Овчарова“ во Велес
![](https://duma.mk/wp-content/uploads/2024/05/20240523_124421-1024x768.jpg)
Во месец декември, минатата година, ја организираа донаторската вечер со помош на Ротари Клуб „Велес“, Лајонс Клуб „Велес“, „Бели Мургри“ Клуб Велес и „Еко Малинов“ а денеска веќе го озваничија почетокот на работа на собата за Сензорна интеграција во училиштето коешто е Ресурсен центар.
![](https://duma.mk/wp-content/uploads/2024/05/20240523_124409-1024x768.jpg)
Директорката Петрушевска објасни дека 400 граѓани дошле на организираната донаторска вечер на која освен што платиле влезница откупиле и рачни изработки на учениците во ова училиште. Таа се заблагодари и на посветеноста на трите едукаторки и сензорни терапефтки за посветеноста низ едукативниот процес што го поминале за да бидат на располагање освен на учениците и на децата во Велес кои се хиперактивни.
Што Собата за сензорна интеграција ја прави поразлична од останатите Сензорни соби во Велес и зошто децата од општината ќе можат да ја користат објаснија трите специјални едукаторки и сензорни терапефтки Добрила Ефровска, Дијана Попандов и Жана Ѓоргиевска.
Во името на организаторите на донаторската вечер се заблагодари Баже Петров, претседател на Ротари Клуб „Велес“. Исто така собата има и поддржувачи како што се „Пододекор“, „Маркард Македонија“, „Осигурување Македонија“ и Панче Ќумбев.
![](https://duma.mk/wp-content/uploads/2024/05/20240523_124355-1024x768.jpg)
![](https://duma.mk/wp-content/uploads/2024/05/20240523_124433-1024x768.jpg)
![](https://duma.mk/wp-content/uploads/2024/05/20240523_124440-1024x768.jpg)
Потребен е само уште мал износ на финансиски средства за да се набават и постават сите потребни помагала за што училиштето очекува поддршка од граѓани или бизнис заедницата.
Убавка Јаневска
![](https://duma.mk/wp-content/uploads/2021/05/SEMM.jpg)