Возач на мотоцикл паднал и тешко се повредил, итно пренесен во Ургентен во Скопје

Педесет и четири годишниот С.Ѓ од Скопје,вчера попладне,околу 17 часот, го управувал  мотоциклот „хонда“ кога изгубил контрола и паднал на коловозот. Мотоциклистот во несреќата се здобил со тешки телесни повреди констатирани во Општа болница во Велес.

-Пациентот е примен во Ургентна единица во 19 часот. По укажана прва медицинска помош од страна на лекар специјалист трауматолог тој е упатен на Оддел за радиодијагностика. Направена е компјутерска томографија на скочен зглоб и подколеница како и на цело тело и глава. По констатирани тешки телесни повреди на подколеница, пред се, поради тежината на повредата С.Ѓ итно е пренесен во Ургентен центар Скопје, соопшти Марина Андова портпаролка на ЈЗУ Општа болница Велес.

На местото на несреќата увид извршила увидна екипа на Сектор за внатрешни работи Велес.

Убавка Јаневска