Во Битола и Тетово критична загаденоста на воздухот
Објавено на 10 октомври, 2014 во 07:43
Жителите на Битола синоќа дишеле воздух загаден со ПМ10 честички дури 11 пати повеќе од максимално дозволените количества (563,189 милиграми на еден кубен метар). Речиси иста концентрација на овие честички (529,909 мг/м2) во воздухот вчера околу пладне e измерена и во Тетово, јави Радио МОФ.
И натаму, најзагаден е воздухот во Битола, Тетово, Кичево и во Скопје.
Утрово во Скопје најзагаден беше воздухот на мерните места Гази Баба, Ректорат и Карпош. Бројките не се така алармантни како во Битола и Тетово, ама сепак зборуваме за најмалку двојно поголема загаденост на воздухот од максимално дозволените концентрации (50 милиграми на кубен метар).
