Маричиќ оствари средба со Десислава Готскова – новата директорка на Регионалната антикорупциска иницијатива

Министерот за правда Бојан Маричиќ на денешната средба со новата директорка на Регионалната антикорупциска иницијатива, Десислава Готскова, и посака успех во работата со уверување дека соработката во борба против корупцијата ќе биде продолжена и продлабочена.

На средбата министерот Маричиќ истакна дека борбата против корупцијата е високо на агендата на Владата на Република Северна Македонија, за што говори и поддршката и потпишувањето на Меѓународниот договор за размена на податоци за проверка на изјавите за имотна состојба што беше подготвен во рамките на Регионалната антикорупциска иницијатива.

Овој договор го имаат потпишано Република Северна Македонија, Република Србија и Република Црна Гора, во март месец оваа година, а негова ратификација во Собранието на Република Северна Македонија се очекува кон крајот на оваа година.