Награда за матичните лекари со повеќе од 70 отсто вакцинирани пациенти

Владата на вчерашната седница го прифати предлогот на Комисијата за заразни болести, за стимулација на матичните лекари кои ќе постигнат 70% од вакцинација на своите пациенти, да бидат наградени со 30 денари по пациент.

-Имаше реакција од поголем број на матични лекари кои ја поддржуваат оваа мерка, сметаат дека е навистина добра, кажа денеска министерот за здравство Венко Филипче.

За претседателката на Здружението на матични лекари, Лилија Чолакова-Дервишова овој предлог е неприфатлив.

Таа посочува дека владата ги има пакачено платите во јавното здравство, за обвинителите, професорите додека пак примарното здравство го третира како посинето.

-Педијатрите немаат шанси да добијат вакво нешто и лекарите кои имат пациенти со специфични болести како хашимото, каде вакцината има контраиндикации. Многу е лош предлогот и ние не го прифаќаме. Бараме од Владата сериозно да размисли и да ги прифати брањата кои ги доставиме. Ние веќе две години како што е почната пандемијата низ комуникација со нашите пациенти ги мотивираме и даваме совети за вакцините против Ковид-19. Не доаѓа во предвид да ја срушиме довербата за 30 денари, смета Чолакова-Дервишова.

Според неделната споредбена статистика, опфатот со две дози вакцина кај вкупното население во земјава е 38,7%.