Поевтинуваат дизелот и бензините

Цената на дизел горивото се намалува за 1 денар, а Еуросупер бензините од 95 и 98 октани, како и Екстра лесното масло за горење за 0,5 денари, одлучи Регулаторна Комисија за енергетика. Горивата во просек поевтинуваат за 1,32 проценти, во однос на досегашните цени.

Највисоките малопродажни цени на нафтените деривати и горива за транспорт, изнесуваат:

– Моторен бензин – ЕУРОСУПЕР БС – 95 – 73,00 (денари/литар)

– Моторен бензин – ЕУРОСУПЕР БС – 98 – 75,00 (денари/литар)

– Дизел гориво – ЕУРОДИЗЕЛ БС (Д-Е V) – 65,00 (денари/литар)

– Масло за горење – Екстра лесно 1 (ЕЛ-1) – 65,00 (денари/литар)

– Мазут М-1 НС – 36,042 (денари/килограм)

На светските берзи нафтените деривати имаат пониски цени од 2 до 3 посто, но има благ пораст на вредноста на доларот. Пресметките се направена за прилагодување на цените на глобалните движења. 

Дума.мк