Вкупно 502 бубрежни трансплантации спроведени на Клиниката за урологија
![](https://duma.mk/wp-content/uploads/2024/01/screenshot-2024-01-31-113424-1024x559.png)
Вкупно 502 бубрежни трансплантации се спроведени досега на Клиниката за урологија, информираше денеска директорот Сашо Дохчев на прес-конференција.
-Вкупниот број на трансплантации досега е 502, од кои 85 се кадаверични. Значајно е да се напоменат и трите години за време на пандемијата од Ковид-19, период кога со голем ризик за пациентите, се изведуваа трансплантациите, појасни Дохчев.
Министерот за здравство Фатмир Меџити информираше дека во декември, успешно била изведена јубилејната трансплантација на бубрег кај 25-годишна пациентка, која била во тешка состојба.
-Особено ми е драго што по оперативниот зафат и постоперативниот тек, денеска таа е во добра здравствена состојба и полека се враќа на секојдневните животни активности, додаде министерот.
Меџити најави и реновирање на Урологија.
На прашањето колку пациенти чекаат на листа, професор доктор Гоце Спасовски рече дека пет пара се спремни за жива трансплантација, околу 120 луѓе за кадаверична.
Дума.мк
![](https://duma.mk/wp-content/uploads/2021/05/SEMM.jpg)