Затворен за сообраќај локалниот пат до Блаце, ќе се користи привремен пат пред граничниот премин
![](https://duma.mk/wp-content/uploads/2023/11/uploads_thumbs_resize_800x420_588232-585x332-1.jpg)
Од денеска ќе биде затворен за сообраќај локалниот пат до селото Блаце пред граничниот премин. Пристапот до Блаце ќе биде обезбеден по привремен пат пред граничниот премин за што е поставена сообраќајна сигнализација.
Од Автомото сојузот на Македонија информираат дека се воведува режим на сообраќај на овој патен правец поради градежни работи на автопатот А4, делница ГП „Блаце“ – Скопје (клучка „Стенковец“) подделница 1.
Останува и претходно воспоставениот времен режим на сообраќај согласно кој на два километри пред граничниот премин, сообраќајот се одвива по двонасочен режим на сообраќај (со два нови кружни тека) и поставена соодветна сообраќајна сигнализација.
Од АМСМ соопштуваат и дека на патот село Извор – село Иванчишта сообраќајот се одвива по една коловозна лента.
Сообраќајот на државните патишта се одвива непречено, по влажни коловози.
Дума.мк
![](https://duma.mk/wp-content/uploads/2021/05/SEMM.jpg)