Спасовски: Откриени се 70.000 формулари за дупликат возачки дозволи

Седумдесет илјади формулари за дуликат возачки дозволи се пронајдени во магацинот на МВР, соопшти министерот за внатрешни работи, Оливер Спасовски. Според него, овој скандал се случува во времето кога МВР било предводено од страна на Никола Груевски, Гордана Јанкуловска и нивните соработници.

– Денеска ќе обелоденам нови злоупотреби на лични документи што можеби се користат и за други намени во државата или надвор. Истрагата што ја отворив во МВР овојпат дојде до 70 илјади дупликат возачки дозволи во МВР. Истрагата покажува вмешаност во скандалот на висок раководител во Министерството за внатрешни работи, рече Спасовски.

Спасовски вели дека помошникот во МВР кој работи во оваа област бил известен за формуларите за дупликат возачки дозволи, но тој не реагирал се до налогот за попис во магацинот, а тоа му го признале вработени во министерството.

Истите формулари рече тој, постојат во МВР со ист сериски број, а почнати се со пополнување на 7 февруари, 2014 година.

Според министерот постои индиција за криминал со личните податоци како и за стекнати повеќе милони евра нелагални пари.

Спасовски оформил комиија која го проверила магацинот на МВР при што е утврдено дека овие 70.000 формулари не постојат во комјутерот на МВР.

Тој вели дека фирмата добавувач на возачките дозволи побарала итна средба со него, а претставниците биле изненадени зошто никој не ги известил за дупликатот на возачките дозволи.

Спасовски не се согласил да бидат повлечени овие 70 илјади возачки дозволи од фирмата и истакна дека ќе формира комисија која ќе ги уништи дозволите и на тој начин ќе спречат можен криминал со лични документи или идентитети.

Извор: А1он.мк