Submit to FacebookSubmit to Google PlusSubmit to TwitterSubmit to LinkedIn

forum fin

Министри, претставници на комори и организации од Северна Македонија, Бугарија, Романија, Србија и домаќинот Грција, ќе учествуваат и ќе дискутираат на Првиот Балкански Форум за инфраструктура и развојни мрежи, како и за промоција на претприемништвото и иновацијата, што во петок и сабота на 5 и 6 април ќе се одржи во Солун, во организација на грчкото Министерство за Македонија и Тракија, јави дописничката на МИА од Атина.

Според драфт агендата, од министерството – домаќин, предвидено е од Северна Македонија да учествуваат министерот за транспортот и врски, Горан Сугарески и министерот за економија, Крешник Бектеши, претседател на Комората на овластени архитекти и инженери, Миле Димитровски и претседавачот на Собранието на Стопанската комора на Македонија, Антони Пешев.

На почетокот на форумот ќе се обрати заменик министерката за Македонија и Тракија, Елефтерија Хаѕигеоргиу, а вицепремиерот на грчката Влада, Јанис Драгасакис ќе говори на тема „Балканската соработка и ко-развој, можности и перспективи“

За иницијативите за промоција на соработката меѓу балканските земји во претприемништвото и иновацијата обраќање ќе има министерот Бектеши, заедно со неговите колеги од Грција, Романија и Србија.

На тема „Постоечкото ниво на бизнис, транспортните, индустриските, технолошките и енергетските инфраструктури и мрежи на балканско ниво“, а ќе говорат претседатели и претставници на техничките комори од Северна Македонија, Србија, Бугарија и домаќинот Грција.

Министрите за транспортот и инфраструктурата од овие земји ќе говорат за соработката на Балканот во областите што се во нивна надлежност, додека пак ќе има и дел посветен на „Неопходните бизнис и технолошки мрежи и соработки на Балканот за мобилизирање и искористување на деловниот и технолошкиот потенцијал“.

Заменик министерката за Македонија и Грција што е во рамки на Министерството за внатрешни работи на Грција, на прес конференцијата посветена на претстојниот форум рече дека „на Балканот му треба пред сѐ стабилност, економска поддршка, безбедност и просперитет“. Елефтериа Хаѕигеоргиу вели дека целта на форумот е да се промовира соработката и заедничкиот развој на регионот а предмет на разговор ќе биде приближување на економските позиции на Балканот преку модернизација и развој на бизнис, транспортни, технолошки и енергетски инфраструктури и мрежи.

Првиот Балкански форум ќе се одржи во просториите на Меѓународниот саем во Солун.

Поврзани вести

web banner 300x250 Sinalco Duma

banerknigovodstvo

E baner

Најново