Македонската цветна унија со барања за финансиска поддршка од владините мерки за време на епидемијата на „Ковид 19“
30.03.2020
Цвеќарите, свадбените агенции, производителите и увозниците на цвеќе, исто така, побараа да бидат дел од владините мерки за финансиска помош во време на епидимијата со „Ковид 19“. Здружени во Македонска цветна унија тие на јавноста и се обратија со соопштение во кое напишаа:
„Слушнете го и гласот на цвеќарите, свадбените агенции, производителите и увозниците на цвеќе.
Ние сме мали фирми од приватниот сектор ,кој во моментот немаме никакви приходи, и во овие тешки моменти за сите нас, објективно без политичка позадина се обраќаме до ВАС и бараме да не заборавите дека И НИЕ ПОСТОИМЕ !
ПОДАДЕТЕ НИ РАКА, ПОМОГНЕТЕ ДА ИЗЛЕЗЕМЕ ОД ОВАА ГОЛЕМА КРИЗА ВО КОЈА ТОНЕМЕ СЕКОЈ ДЕН СЕ ПОДЛАБОКО И ИМАЈТЕ ВО ПРЕДВИД ДЕКА НИЕ И ПО ЗАВРШУВАЊЕТО НА ЕПИДЕМИЈАТА ЌЕ ИМАМЕ ГОЛЕМИ ПРОБЛЕМИ ВО ПЛАСМАН НА НАШИТЕ ПРОИЗВОДИ И УСЛУГИ.
ЗА ИДНИНА ВО КОЈА ЌЕ ПРОДОЛЖИМЕ ЗАЕДНО ДА СЕ РАДУВАМЕ И СЛАВИМЕ ! ПОДАДЕТЕ РАКА !
Ние сме со Вас во сите ваши убави моменти, во вашето секојдневие , во вашиот дом и градина. Научно е докажано дека цвеќето го подобрува расположението, го олеснува стресот и го зголемува психолошкото здравје и нивото на енергија.
Не дозволувајте оваа кревка и убава гранка од стопанството да згасне.
Барања:
-покривање на бруто плати за времетраење на епидемијата
-покривање на придонеси за дополнителни три месеци
-дополнителни олеснувања за производителите на пролетен расад и режан цвет
ПОДАДЕТЕ РАКА !
МАКЕДОНСКА ЦВЕТНА УНИЈА
[email protected]“, пишува во соопштението на цвеќарите, свадбените агенции, производителите и увозниците на цвеќе.