СВР Велес: Физички напад во Велес, Чашка, село Марена, кавадаречко и село Криволак, неготинско
![](https://duma.mk/wp-content/uploads/2024/04/SVRVelessologo-2.jpg)
Во Сектор за внатрешни работи Велес, во текот на вчерашниот ден, 24 април, биле пријавени четири физички напади во различни населени места.
Првиот случај бил пријавен утрото во 08:30 часот, од четириесет и девет годишна жена од село во Општина Чашка дека во семејниот дом физички ја нападнал нејзиниот поранешен сопруг со кого живеела И.С.
Потоа, во 16:00 часот полициски службеници од Одделение за внатрешни работи Неготино го лишиле од слобода шеесет и две годишниот И.С од село Криволак оти спречувал полициски службеници кои преземале службени дејствија.
-Односно при приведување на И.З.(56) од истото село, по претходна пријава од С.Т.(20) од Неготино дека во селото бил физички нападнат од И.З., кој и агресивно се однесувал кон полициските службеници. И.С. и И.З. биле задржани во полициска станица, известен бил јавен обвинител и по документирање на настанот против нив ќе бидат поднесени соодветни пријави, додаваат од СВР Велес.
Три и пол часа подоцна, дваесет и шест годишната велешанка М.С пријавила дека на улица „Сараевска“ во градот била физички нападната од четириесет и две годишниот П.Н.
Од СВР Велес додаваат дека еден час подоцна бил пријавен и четвртиот физички напад во Одделение за внатрешни работи Кавадарци.
– Полициски службеници од ОВР Кавадарци го лишиле од слобода А.А.(25) од село Марена, кавадаречко, по претходна пријава од Р.С.(22) од село Марена дека пред неговиот дом му упатувал закани и физички ги нападнал Ш.А. и Г.А.(20) од истото село. При преземање на службени дејствија од полициски службеници, А.А. и Г.А. агресивно се однесувале и двајцата биле приведени во полициска станица. Известен бил јавен обвинител и по документирање на настаните ќе бидат поднесени соодветни пријави, додаваат од СВР Велес.
Дума.мк
![](https://duma.mk/wp-content/uploads/2021/05/SEMM.jpg)