Издумани Крлевизми: „Да не бев интелектуалец ќе верував барем некогаш. Вака, се сомневам секогаш“

Прочитајте ги десетте афоризми коишто денеска за Вас, читателите на Дума.мк, ги објавуваме и чии автор е афористичарот и сатиричарот Атанас Крлевски.

„И судот на историја секогаш не е праведен.“

„Пожар од две вжештени глави, тешко се гаси.“

„Си измислува непријатели… за оправдување на грешките.“

„Пеењето во кафез е сокривање на вистинската расположба на птицата.“

„И лошите имаат најдобар.“

„Да не бев интелектуалец ќе верував барем некогаш. Вака, се сомневам секогаш.“

„Во некои кралства кралот е дворски будала.“

„Чесниот не може да има расипана фантазија.“

„Од три милијарди жени на земјава ја одбрав неа и… не ѝ се погодив.“

„Давам сѐ од себе за да земам сѐ за себе.“

Атанас Крлевски