Коки: „На народот му е добро се дотогаш, додека не сфати колку му е лошо“
Нова работна недела и нови шест афоризми на велешкиот афористичар Коки. Прочитајте ги, насмевката е загарантирана.
-Се стекнува впечаток дека денес, кај нас, кандидатите за народни избраници живеаат „кучешки“ живот: постојано некој, на некого…лае.
-На народот му е добро се дотогаш, додека не сфати колку му е лошо.
-Им верувавме на нашите економски експерти и на длабочината на нивните економски визии: затоа и потонавме во сиромаштија.
-Искусната жена секогаш спие со сопствениот маж, со останатите е будна.
-Најлош трик на магионичарот е кога од неуки, проблематични и интелектуално ограничени луѓе, ќе успее да направи…политичари.
-Мојот однос со директорот беше мошне коректен, заснован на взаемна самодоверба и самопочит: професионално му го одржував автомобилот и…бракот.
Афористичар Никола Бошков – КОКИ
Дума.мк