Со концерт на ансамбл „Тиквеш“, вечерва, започнува „Кавадаречко културно лето 2023“

На градскиот плоштад во Кавадарци, со концерт  насловен „70 години фолклорна дејност“ на фолклорен ансамбл „Тиквеш“, вечерва, со почеток во 19:30 часот, свечено ќе биде отворена манифестацијата „Кавадаречко културно лето 2023’. Утре пак, на 28 јуни, во истото време и на истото место ќе биде одиграна претставата „Одам на лов“.

Богатата културна програма ќе продолжи на 29 јуни, кога на градскиот плоштад со почеток во 19:30 часот ќе бидат одржано „Бабини игри“ а на 30 јуни, петок, во Дом на култура „Иван Мазов Климе“ во истиот временски период, ќе биде прикажана проекцијата „Некрстени денови“.

Во сабота и недела, на први и втори јули, кавадарчани со почеток во 19:30 часот ќе имаат можност да ги проследат и спортските игри.

Оваа манифестација е под покровителство на градоначалникот Митко Јанчев како и Советот на општина Кавадарци.

Стефани Манева