Општина Чашка со нов Градоначалник, Совет и Претседател на Советот
Oпштинската изборна комисија на Чашка врз основа на конечните резултати од спроведените Локални избори ги додели Уверенијата за Градоначалник и членови на Советот на Општина Чашка.
И официјално Горан Стојановски од коалицијата предводена од СДСМ ја презема функцијата Градоначалник на Општина Чашка.
Стојановски на присутните им ги честита мандатите на членовите на Советот и им посака успешна работа во претстојниот четиригодишен период со цел заеднички да ги исполнат ветените проекти пред жителите на Општина Чашка.
По свеченото доделување и приемот на Уверенијата беше конституиран и Советот кој ја одржа првата конститутивна седница на која беа верифицирани мандатите и беше избран Претседател на Советот на Општина Чашка.
За Претседател на Советот со мнозинство гласови е избран Фемих Бејлуров кој доаѓа од коалицијата Заедно за подобра иднина. Инаку новиот Совет на Општина Чашка брои 11 членови од кои 4 од коалиција предводена од СДСМ, 3 од коалиција предводена од ВМРО-Дпмне, 2 од коалиција Заедно за подобра иднина и 2 од ДУИ./У.Ј