Измамен велешанец, уплатил за огревни дрва и се уште не ги добил

Седумдесет годишен велешанец бил измамен од едно лице за сума од 5.000 денари. Тој вчера, во Сектор за внатрешни работи Велес пријавил дека на 12 март, годинава, од лицето му биле понудени огревни дрва по цена од 3.500 денари за кубен метар и му побарал капар од 5.000 денари, возрасниот велешанец му ги дал парите но дрвата се уште не му биле донесени.

Од Сектор за внатрешни работи Велес, упратуваат апел до граѓаните, особено до повозрасните лица, да бидат претпазливи во комуникацијата со непознати лица.

-Не наседнувајте на измами во кои лажно се нудат услуги, во овој период претежно дрва за огрев, проверувајте ги податоците пред да станете жртва на измама, да не давате пари на изманиците и сите сомнителни случаи да ги пријавувате во полиција, додаваат од СВР Велес.

Се преземаат мерки за расчистување на случајот.

Стефани Манева