Tриесет и две годишен кавадарчанец е позитивен на Ковид 19, потврдија денеска од Центарот за јавно здравје Кавадарци. Тој бил фудбалер во фудбалски клуб во Росоман.
„Тестирани се сите фудбалери во клубот, позитивен е само 32 годишниот кавадарчанец. Тој е на домашно лекување“ информира епидемиолог д-р Ристе Јовановски.
Во моментов се работи на утврдување на неговите контакти./А.Д
С О О П Ш Т Е Н И Е З А Ј А В Н О С Т
Општина Велес ја информира јавноста дека, третото авионско тертирање против комарци ќе го изврши на ден 14 август (петок) 2020 год. во периодот од 0500 до 0630 часот. Доколку временските услови не дозволуваат авионско прскање истото ќе се изврши наредниот ден, 15 август (сабота) 2020 год.
Границата, на третирањето е: Езеро Младост, с. Отовица, месност Јарбош, по течението на Вардар од север од с. Башино село низ Велес, се до вливот на реката Бабуна и с. Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и с. Горно Оризари.
Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина.
Се известуваат пчеларите во времето на третирање и 3-4 часа потоа да ги затворат кошниците со пчели, заради можноста од влијание на средството со кое се врши третирањето врз безбедноста на пчелните семејства.
Градоначалник
на Општина Велес,
Аце Коцевски
 |
 |
 |
|
