Прво ќе се унапредува,па ќе се брендира домашната ракија
Отпадното грозје од трпезните сорти може рационално и доходовно да се искористи за производство на гроздови ракии кои ги задоволуваат стандардите за квалитет во категоријата на лозови ракии. Брзата и навремена дестилација на гроздовата каша по ферментацијата дава поголемо искористување на алкохолот, поволно влијае на квалитетот и добиените ракии се со нагласен сортен карактер.
Ова се дел од заклучоците кои произлегоа од истражувањето кое се спроведе во Тиквешијата за квалитетот на производство на ракија во домашни услови.
Синоќа пред кавадарчани беа презентирани резултатите од ова истражување од проф д-р Горан Миланов од Институтот за лозарство и винарство, тим лидер на консултантите во проектот “Унапредување на производството на ракија, како прв чекор во нејзиното брендирање” кој го реализира секторот за вино при Фондацијата “Тиквешки вински пат” а е кофинансиран од министерството за економија, програма за кластерско здружување.
На презентацијата беше нагласено дека најважната карактеристика на лозовата ракија претставува нејзината арома која потекнува од грозјето т.е сортата. Затоа е многу важен правилниот избор на сорта со соодветна арома и примена на соодветен технолошки пристап кој ќе овозможи што потполно преоѓање на слободните и врзаните ароми со што помалку оксидативни промени. Во овој контекст употребата на трпезните сорти а посебно мускатните е од пресудно значење за квалитетот на лозовата ракија.
„Целта на проектот беше да се истражи на кој начин во моментов произведуваат ракија во домаШни услови приватните производители и да се укаже на греШките со цел тие да се исправат. Во првата фаза се планира да се изврши стандардизација на производството со утврдување на минимални критериуми. Во втората фаза би се направило брендирање на домашната ракија“ – рече Дивна Јордановскадиректор за вино при Фондацијата Тиквешки вински пат./A.Д