Меѓународниот ден на бројот Пи – „Математика за секого“
![](https://duma.mk/wp-content/uploads/2023/03/zdruzenie-na-matematicari-so-logo.png)
Ученици од повеќе основни и средни училишта во Велес, денеска, во медијатеката на градската библиотека ги одбележаа Меѓународниот ден на бројот Пи како и на математиката. Тие преку презентација за значењето на бројот Пи, на присутните им покажаа и докажаа дека вредностите на 5 децимали на бројот познат и како лудолфов број или архимедова константа изнесува 3,14159. Претседателката на Здружението на математичари Велес, Мира Ташкова, рече дека здружението за прв пат го одбележува овој ден на ваков начин.
![](https://duma.mk/wp-content/uploads/2023/03/zdruzenie-na-matematicari-so-logo-12.png)
![](https://duma.mk/wp-content/uploads/2023/03/zdruzenie-na-matematicari-so-logo-9.png)
– За прв пат оваа година го одбележуваме Меѓународниот ден на бројот Пи кој воедно е и ден на математиката. Тука зимаат учество сите основни и средни училишта во нашата општина и нашата идеа е ова да премине во традиција. Мотото е „математика за секого“, бидејќи секој што сака може да научи математика и да реши ако не некој сложен математички проблем, барем некоја поедноставна задача. Нашето здружение постои повеќе од 30 години и главната цел на здружението е да ја промовира математиката и да се вроди љубов кај нашите ученици уште од најрана возраст за овој предмет. Ние како здружение ги имаме опфатено сите наставници од Општина Велес од основните и средните училишта како и Општина Градско и Општина Чашка, додаде Ташкова.
![](https://duma.mk/wp-content/uploads/2023/03/zdruzenie-na-matematicari-so-logo-1.png)
![](https://duma.mk/wp-content/uploads/2023/03/zdruzenie-na-matematicari-so-logo-4.png)
![](https://duma.mk/wp-content/uploads/2023/03/zdruzenie-na-matematicari-so-logo-5.png)
За време на настанот ученици од ООУ „Блаже Конески“ преку различни примери ја докажуваа вредноста на бројот Пи. Потоа ученици од ООУ „Васил Главинов“ изработуваа мозаик на бројот Пи и столбест дијаграм на истиот.
![](https://duma.mk/wp-content/uploads/2023/03/zdruzenie-na-matematicari-so-logo-2.png)
![](https://duma.mk/wp-content/uploads/2023/03/zdruzenie-na-matematicari-so-logo-3.png)
На самиот крај присутните имаа можност да уживаат во подготвените мафини и торта означени со бројот Пи и направени од страна на учениците од ССОУ „Коле Неделковски“.
![](https://duma.mk/wp-content/uploads/2023/03/zdruzenie-na-matematicari-so-logo-10.png)
![](https://duma.mk/wp-content/uploads/2023/03/Untitled-design-2023-03-14T150147.344.png)
Настанот беше организиран од страна на Здружение на математичари Велес во соработка со Младински центар Велес.
Стефани Манева
![](https://duma.mk/wp-content/uploads/2021/05/SEMM.jpg)