Повторно приведување за дрога но и за ладно оружје, овојпат во угостителски објект во Кавадарци

Полициски службеници на Одделение за внатрешни работи Кавадарци, вчера вечер, привеле три лица кај кои пронашле дрога во угостителски објект во Кавадарци.

-Во 20:15 часот, во угостителски објект во Кавадарци, приведени се 24-годишната С.Ш., од Демир Капија, Р.А.(42) од Кавадарци и А.П.(36) од село Ваташа, кавадаречко. При преглед кај С.Ш. биле пронајдени бела прашкаста материја и зелена растителна материја, а кај Р.А. бил пронајден нож, соопшти Биљана Ѓаковска, потпаролка на Сектор за внатрешни работи Велес.

Според неа предметите биле одземени и по целосно документирање на настанот ќе бидат поднесени соодветни пријави.

Убавка Јаневска