Пожар од вчера вечер кај село Горно Јаболчиште, гори букова шума

Пожарот се запалил вчера вечер  околу 23:00 часот на отворен простор кај село Горно Јаболчиште во Општина Чашка и зафатил букова шума. Од ЦУК информираат дека веднаш биле извесетни од ЈП „Национални шуми“ подружница „Бабуна“ од Велес, коишто информирале дека утрово ќе упатат вработени за да го гаснат пожарот.

Центар за управување со кризи известува дека, во последното деноноќие, биле изгаснати 14 од вкупните 22-те пожари на отворен простор на територијата на државата. Исто така од таму апелира и потсетуваат, да не се пали вегетација на отворено.

Убавка Јаневска