Реализиран проектот „Аудиокнигите доспатни до читателите“ на велешката библиотека „Гоце Делчев“
![](https://duma.mk/wp-content/uploads/2024/04/436365964_955428643037315_6748398963429776192_n-1024x683.jpg)
Важноста и начинот на набавка како и стручниот внес и обработка на аудио книгите беа објаснети на работилницата насловена „Аудиокнигите доспатни до читателите“ која се одржа во медијатеката на локалната библиотека „Гоце Делчев“ Велес.
![](https://duma.mk/wp-content/uploads/2024/04/435878750_955577186355794_5709343055626269917_n-1024x390.jpg)
Предавачите, Јелисавета Костадинова, библиотекар-советник и Јана Михајловска, виш библиотекар, со примери им појаснуваа на присутните како да се креира каталошко-библиографски опис на аудио книги.
![](https://duma.mk/wp-content/uploads/2024/04/436166749_955428936370619_7306791331128849519_n-1024x683.jpg)
-Оваа работилница е дел од проект на велешката библиотека во соработка со Библиотекарското здружение на Македонија, подржано од министерството за култура. Ова е првиот проект од вкупно четири кои се со поддршка од Министерство за кулутура, рече директорката на институцијата Снежана Бошевска.
![](https://duma.mk/wp-content/uploads/2024/04/436206690_955430383037141_1894042089176964984_n-1024x683.jpg)
Инаку, на работилницата учествуваа НУ – УБиблиотека „Гоце Делчев“ – Штип, Библиотека „Благој Јанков Мучето“ Струмица, ЈОУ Библиотека „ФЕТКИН“ Кавадарци, ЈОУ Библиотека,, Искра”-Кочани и Матична библиотека,,Кочо Рацин”,Пехчево.
Инаку дел од аудиокнигите во цд формат што ги има велешката библиотека се обезбедени во соработка со здружението на слепи лица од Велес а останатиот дел се добиени преку тековните нарачки на книги од издавачки куќи.
Стефани Манева
![](https://duma.mk/wp-content/uploads/2021/05/SEMM.jpg)