Велешкиот здравствен дом доби нови рендген апарати!
Од денеска пациентите од Велес, Повардарието и Овче Поле ќе може да се прегледуваат на двата нови рендгени кои ги набави јавната здравствена установа.
Современите апарат ги купи здравствениот дом од сопствениот буџет и чинат 20 илјади евра.
„Ова се два рендген дигитални апарати кои ги набавивме деновиве од сопствени средства. Едниот е сегментен интерорален апарат и вториот е дигитален рендген панорама апарат за снимање на заби. Со ова стоматологот добива брза и прецизна дијагноза, но може рано да открие аномалии на вилиците кај пациентите. Така им овозможуваме здравствена услуга преку партиципација, за минимална сума да добиваат квалитетна услуга, а ние како ЈЗУ мораме да се грижиме за здравјето на граѓаните “ рече Тања Самаракова директор на велешкиот Здравствен дом.
Со ова пациентите од Велес, но и Поварадарието и Овче Поле добиваат квалитетна услуга. За неа ќе бидат потребни само сини картони. Инаку велешкиот здравствен дом е меѓу првите во земјава кој ќе пружа вакви современи услуги за пациентите. Слично на овие апарати има само стоматолошкиот клинички центар во Скопје. Особена предност е што овозможува по електронска пошта рендгенските снимки да се испраќаат до стоматологот. Здравственито дом ќе го обучува персоналот кој ќе ги користи апаратите./Б.Н.
