Жител на село Иванковци изел ќотек без причина
Ни крив ниту должен изел ќотек од својот соселанец, вчеравечер, 51 годишниот Д.П. од велешкото село Иванковци најверојатно затоа што се нашол во погрешно време, на погрешно место и пред погрешен човек.
Додека тој седел на клупата пред продавница во селото му се приближил три години помладиот соселанец Ж. Ѓ. и физички го нападнал.
Насилникот прво го гризнал за раката Д.П а потоа му писнал да го тепа, со штаките кои човекот ги употребувал за одење. Го удирал по глава и не само со штаки туку и со даска која ја откорнал од клупата за седење на сред село.
Откако му нанел повреди на левата рака тепачот Ж.Ѓ избегал од местото на тепачката.
Со повреди на главата и телото Д.П бил пренесен на лекување во Медицинскиот центар во Велес.
Полицијата го расчистува случајот./Б.Н