Граѓаните одговорни при средување на личните документи
Основниот личен документ со кој се идентификуваат граѓаните во државата се вади без проблеми, редици и гужва. Пред истекот на старите или пак со стекнувањето на полнолетството велешани навреме си извадиле нова лична карта. Во месец февруари, годинава, во одделението за издавање на лични карти биле и докуметот го извадиле 88 граѓани а 302 велешани ја замениле старата со нова лична карта. Еден месец подоцна, во март, новоиздадени се 91 а заменети се 362 лични карти. Според податоците на СВР Велес вкупно во двата месеци, по двата основа, лична карта извадиле вкупно 843 граѓани.
Во општина Кавадарци, во истото двомесечие, новоиздадени се 146 а заменети 376 лични карти.
Во Неготино 32 граѓани стекнале право на лична карта во февруари и 45 до март додека 46 граѓани ја замениле старата со нова лична карта во февруари и 84 во март. Така со нови документи се стекнале 207 неготинци.
Личната карта треба да ја има секој граѓанин кој ќе одлучи да гласа во недела на претседателските или пак на вонредните парламентарни избори во Македонија./Д.С