Полицијата ги фати крадците на рози во Велес
Tие направиле штета во висина од 280 евра а полицијата ги фати крадците. Двајцата арамии на возраст од триесет и пет и триесет и три години украдените рози ги продавале на градскиот пазар. Розите најчесто ги краделе во ноќните часови и тоа од различни зелени површини низ градот.
Најмногу рози откорнале од жардињерите пред Основниот суд, од зелените површини кај Младински парк, кај семафорите и кај споменикот Панко Брашнаров. Крадците откорнале 193 садници, со што јавното комунално претпријатие Дервен го оштетиле за 17 илјади денари.
„Секторот за внатрешни работи Велес во соработка со основното јавно обвинителство поднесе кривични пријави против лицата Б.Ц. (33) и Т.А. (35) и двајцата од Велес, поради основи за сомнение за сторено кривично дело кражба, рече Анита Стојковска, портпарол на СВР Велес.
Крадците го признале делото и ќе одговараат за кражба. Инаку досега двајцата се пријавувани за кривични дела за кои одлежувале и затворски казни./Д.С