Денеска пет нови случаи на заразени и исто толку оздравени од Ковид-19 во Велес
9.10.2020
Тројца од новозаразените велешани, во изминатите 24 часа, инфективното заболување го добиле од членови на семејство. Две се жени кои работеле надвор од градот поточно една во Скопје и една во Кавадарци.
Евиденцијата на Министерството за здравство и Институтот за јавно здравје во изминатите 24 часа бележат и пет оздравени сограѓани.
Сите оздравени се лекувале дома, имале полесни симптоми на Ковид-19 и биле под постојан надзор на нивните матични лекари.
Денеска на Инфективното одделение на Општа болница Велес се лекуваат 26 пациенти, од кои 23 се потврдени позитивни на коронавирус додека за тројца се чекаат резултати. Од одделението се испишани четири пациенти, по два негативни резултати, информираше д-р Весна Николовска Неделкова портпарол на болницата.
Во Велес, од почетокот на пандемијата, заразени се 352 граѓани, регистрирани се 300 оздравени и има 36 пациенти. Досега битката со коронавирусот ја изгубија 17 граѓани.