Почина жена од Ковид-19 во велешка болница
Објавено на 11 април, 2021 во 11:11
11.04.2021
Жената е од Велес и имала 84 години, била позитивна и 10 дена се лекувала во Модуларната болница.
Денеска во болницата вкупно се хоспитализирани 97 ковид пациенти, од кои 85 се потврдено позитивни, четири сомнителни и осум пациенти со негативен брис но задржани на болничко лекување.
На Инфективно одделение се лекуваат 52 болни, во Модуларна болница 28 пациенти на Интерно девет и на Одделението за Физикална медицина и рехабилитација осум пациенти.
На кислородна поддршка се 45 пациенти.
Од болницата денеска испишани се двајца пациенти како оздравени со по еден негативен тест.
Убавка Јаневска
Поврзано:
