Велешки херои во акција – 5 пожарникари заминуваат во Турција да помогнат на настраданите во катастрофалните земјотреси
![](https://duma.mk/wp-content/uploads/2023/02/329757238_941681510171421_8491658828982934385_n-1024x617.jpg)
Пет велешки херои од противпожарната единица во Велес заминуваат во спасувачка акција во Турција, за да помогнат на настраданите по катастрофалните земјотреси. Димче Јованов, Кире Диковски, Александар Јолдашев, Рамадан Адилов и Роберто Шакиров се петтемина херои од ТППЕ Велес кои ќе се упатат кон Република Турција да го дадат својот придонес за справување со последиците од катастрофалниот земјотрес.
![](https://duma.mk/wp-content/uploads/2023/02/329918153_1351844845661802_3590932986961765544_n-1024x618.jpg)
Со едно возило и потребната опрема за заштита и спасување овие пожарникари во наредниот период ќе дадат дополнителна помош на турскиот народ.
Инаку, согласно досегашните информации на надлежните институции Бројот на загинати во големиот земјотрес што ги погоди Турција и Сирија се искачи над 11.200. Официјални лица и медицински лица соопштија дека 8.574 луѓе загинале во Турција и 2.662 во Сирија од потресот од понеделникот од 7,8 степени според Рихтер, со што вкупниот број достигна 11.236.
Дума.мк
![](https://duma.mk/wp-content/uploads/2021/05/SEMM.jpg)