Велосипедистите на МВК „Велес“ го извозија почетниот круг со електричните велосипеди на езеро „Младост“ (ФОТО и ВИДЕО)
![](https://duma.mk/wp-content/uploads/2021/09/Velosipedi1sologo-1.png)
Велосипедисти на МВК „Велес“ денеска беа првите корисници на електричните велосипеди што се дел од проектот: „Паметно езеро Младост“. Тие ги возеа велоипедите на патот а потоа и на патеката покрај езерскиот брег. Нивниот претседател Сашко Ванчевски оцени дека за разлика од професионалните спортисти овие велоипеди се добредојдени за граѓаните кои не се доволно физички и кондиционо подготвени.
-Тие ќе ја имаат секојдневната придобивка од возењето на електричните велосипеди кои во последно време се многу популарни и практични за поголема група на граѓани кои имаат голема желба да возат велосипеди но, од здравствени или други причини не можат да ги возат стандардните велосипеди, додаде Ванчевски.
![](https://duma.mk/wp-content/uploads/2021/09/SaskoVancevskisologo.png)
Фирмата „Геонет“ ги набави додека заедно со мобилниот оператор А1 го реализираа делот на создавање на улови за возење на електрични велосипеди на езеркиот брег. Во Македонија ова е прва набавка за институција откри Тоде Боцевски, преставник на фирмата „Геонет“.
![](https://duma.mk/wp-content/uploads/2021/09/Velosipedisti21sologo-1.png)
-Освен набавката на велосипедите исто така ние работевме на софтверските решенија за паметниот паркинг, поставување на апарати за полнење на електрични возила, поставување на паметни лед сијалици, паметни клупи и паметни контејнери. Софтверските решенијата се сработени од една страна за потребите на општината и од друга страна за корисниците, граѓаните“, додаде Боцевски.
![](https://duma.mk/wp-content/uploads/2021/09/Velosipedisti1sologo-1.png)
Еден велосипед чини 2 илјади евра додека со софтверското решение , смарт бравите за заклучување и апликацијата за корисниците Општина Велес инвестираше вкупно 2 милиони 726 илјади и 295 денари. На наредната седница на Советот на Општина Велес велосипедите ќе бидат предадени на управување на ЈП „Парк спорт и паркинзи“.
Убавка Јаневска
![](https://duma.mk/wp-content/uploads/2021/05/SEMM.jpg)