Велешка екипа и спортски риболовец трети на Куп „Рибарче“

 Во Скопје во градскиот парк на „Езерце“ се одржа традиционалниот Куп натпревар во спортски риболов “Рибарче”. Натпреварот го организираше македонската риболовна федерација.

Победник е екипата на „Оскар“ од Кавадарци пред „Трофеј“ од Струмица а третопласирана е велешка „Бабуна“. Вториот  велешки претставник, екипата на „Професионал“, го освои шестото место.

Поединечно првото место го освои Атанас Ципушев од „Крап“ Радовиш, второ пласиран е  Петар Наков од „Трофеј“ од Струмица додека третото место му припадна на играчот на „Бабуна“, Тоше Јакимовски.

Настапот на велешките екипи е успешен.

„Бабуна“  очекувано е во првите три, додека „Професионал“ изненади со успешен настап знаејки дека составот е нов и ова беше прв настап на овие играчи.

По две недели ќе се одржи државното првенство во Дојран.

Лазар Лазаровски